హిమాలయ పర్వత శిఖరాగ్రంలా గర్వంతో
ఉబ్బెత్తుగా కన్పిస్తున్న
ఆ "గర్భం" మీద తల ఆనించి ........
మొదటిసారి ఒక అలోకిక సంభాషణ విన్నాను
చర్మ సరిహద్దులు దాటి
ఆ సంభాషణ నా లోలోపల నిండి పోయింది
మూసుకున్న చేతులతో గర్భ కుడ్యాన్ని నా చిట్టి పాప
బలంగా తడిమినపుడు
అనుభూతికి అందని అలంకారమేదో
మా ఇరువురి సంభాషణలో వొదిగి పోయింది
వుమ్మ నీటిలో శీర్షాసనం వేసిన
చేపపిల్లలా తను కదలాడినప్పుడు
మా సంభాషణ అంతా నిస్సబ్దమై పోయి
భాష మూగ పోయింది.
--------- వంశీకృష్ణ
touching.....baagundi
రిప్లయితొలగించండి